NETS(បណ្ដាញសម្រាប់គ្រូ និងសិស្ស) ត្រូវបានបង្កើតឡើងដោយ APCEIU ក្នុងគោលបំណងចែករំលែក ចំណេះដឹង និងបទពិសោធន៍ដែលទទួលបានពី APTE(ការផ្លាស់ប្ដូរគ្រូបង្រៀនសម្រាប់ការអប់រំជាសកល ប្រចាំតំបន់អាស៊ីប៉ាស៊ីហ្វិក) និងដើម្បីបង្កើតសហគមន៍អនឡាញសម្រាប់ការផ្លាស់ប្តូរការអប់រំ ក៏ដូចជាដើម្បីលើកកម្ពស់អន្តរកម្ម និងកិច្ចសហប្រតិបត្តិការរវាងគ្រូបង្រៀន សិស្សានុសិស្ស និងសាលារៀនផងដែរ។ ជាមួយនឹងឧបករណ៍អនឡាញជាច្រើនប្រភេទ NETS ផ្តល់ឱ្យសមាជិកនូវឱកាស ក្នុងការបង្កើតបណ្តាញអប់រំឆ្លងព្រំដែន លើកកម្ពស់ការសិក្សា និងការអនុវត្តនៃការអប់រំសម្រាប់ការយល់ដឹង អន្តរជាតិ(EIU) និងការអប់រំភាពជាពលរដ្ឋសកល(GCED) ព្រមទាំងពង្រឹងការយល់ដឹងអំពីភាពជា ដៃគូសហការ និងការយោគយល់គ្នាទៅវិញទៅមក។
NETS ផ្តល់វេទិកាអនឡាញសម្រាប់គ្រូបង្រៀន និងសិស្សដែលមានចំណាប់អារម្មណ៍ស្រដៀងគ្នា ដើម្បីអាចតភ្ជាប់ និងបង្កើតជាបណ្តាញទាក់ទងគ្នាឆ្លងព្រំដែន។ តាមរយៈការចូលរួមយ៉ាងសកម្មពីសំណាក់ សហគមន៍គ្រូបង្រៀន និងសិស្សនៅក្នុងNETS យើងអាចរៀន និងអនុវត្តការអប់រំភាពជាពលរដ្ឋសកល បានផងដែរ។
NETS គាំទ្រយ៉ាងពេញទំហឹងចំពោះអ្នកចូលរួម អតីត និងអនាគតអ្នកចូលរួមក្នុងកម្មវិធី APTE ដោយការផ្ដល់ជូននូវធនធានទិន្នន័យយ៉ាងទូលំទូលាយដែលប្រមូលបានមុន កំឡុងពេល និងក្រោយកម្មវិធី APTE ការបង្រៀនអនឡាញ និងសកម្មភាពតាមដានបន្ដជាដើម។
NETS ផ្ដល់ជូននូវធនធានទិន្នន័យអនឡាញទាក់ទងនឹងGCED យ៉ាងច្រើនដល់គ្រូបង្រៀន និងសិស្ស ដើម្បីជួយសម្រួលដល់ការសិក្សា និងការអនុវត្តGCED កាន់តែមានភាពងាយស្រួលឡើង។ គម្រូខ្លះៗនៃកម្មវិធី APTE មានដូចជា តាមរយៈអត្ថបទ ព័ត៌មាន សៀវភៅ និងថ្នាក់រៀនទាក់ទងនឹងAPTE និងGCED NETSផ្តល់ឱកាសដ៏មានតម្លៃក្នុងការសិក្សា និងការអនុវត្តGCED ទាំងនៅក្នុងថ្នាក់រៀន ក្នុងសាលារៀន ក៏ដូចជាក្នុងជីវិតប្រចាំថ្ងៃផងដែរ។